शिक्षण हा आपल्या आयुष्यातील कारकीर्दीचा महत्त्वाचा पाया आहे व तो घडवण्यासाठी विद्यार्थी–पालक यांच्या सहकार्याने १९९६ पासून ‘सावंत कोचिंग क्लासेस’ ज्ञानदानाचे पवित्र कार्य करत आलेला आहे. योग्य शैक्षणिक वातावरण मिळणे हे विद्यार्थ्यांच्या विकासासाठी महत्त्वाची भूमिका बजावत असते. प्रत्येक यशस्वी व्यक्तीने त्याच्या शालेय जीवनापासूनच खूप मोठी स्वप्ने पाहिलेली असतात व ती पूर्ण करण्यासाठी दूरदृष्टी ठेऊन ते सातत्याने प्रयत्नही करत असतात. म्हणूनच आम्ही प्रामाणिकपणे विद्यार्थ्यांच्यामध्ये असणारे सुप्त गुण ओळखून त्यांची ध्येय व स्वप्ने साकारण्याचे कार्य ‘सावंत कोचिंग क्लासेस’ च्या माध्यमातून करत आहोत. क्लासमध्ये मर्यादित विद्यार्थी संख्या ठेऊन विद्यार्थ्यांच्या स्तरानुसार वैयक्तिक मार्गदर्शन केले जाते. ‘सावंत कोचिंग क्लासेस’ मध्ये सतत होणाऱ्या सराव परीक्षा, अवघड घटकांसाठी विशेष मार्गदर्शन, विविध शैक्षणिक पद्धतीचा वापर, सर्वसोयींनियुक्त प्रशस्तवर्ग यामुळे विद्यार्थ्यांच्या गुणात भरघोस वाढ होत आहे.
सावंत कोचिंग क्लासेसमध्ये इ. ५ वी ते १० वी मराठी, सेमी-इंग्रजी व इंग्रजी माध्यमासाठी स्टेट बोर्डचा अभ्यासक्रम शिकवला जातो. तसेच मुलांचा सुट्टीतील वेळ सत्कारणी लावण्यासाठी बेसिक मराठी, इंग्रजी, गणित व सुंदर हस्ताक्षर या वर्गांचे आयोजन केले जाते. विद्यार्थ्यांमध्ये सकारात्मक दृष्टीकोन वाढवणे, शिस्त निर्माण करणे, त्यांचा मनावरील दडपण कमी करून आत्मविश्वास वाढविणे, इत्यादी बाबींमुळे सावंत कोचिंग क्लासेसने विद्यार्थ्यांच्या उज्ज्वल यशामध्ये सिंहाचा वाटा उचलला आहे. सावंत कोचिंग क्लासेसचे अनेक विद्यार्थी गुणवत्ता यादीत चमकले असून सध्या उच्च पदांवर कार्यरत आहेत. तसेच प्रतिवर्षी अधिकाधिक गुणवंत विद्यार्थी घडविण्यात सातत्य राखल्याने ‘देदिप्यमान यशाची परंपरा जोपासणारे विद्यार्थीप्रिय ज्ञानमंदिर’ अशी ओळख ‘सावंत कोचिंग क्लासेस’ ने निर्माण केलेली आहे. नेहमीच विद्यार्थ्यांचे हीत जोपासणाऱ्या ‘सावंत कोचिंग क्लासेस’ मध्ये आपले स्वागत आहे.
Best Regards
Director,
Prof. M. B. Sawant